5 Maaddaan koma kadakayo ti panagpampanunot ni Cristo Jesus 6 Isu nga adda iti langa ti Dios, saanna nga inbilang a pakigasanggasatan ti pannakapadana iti Dios 7 No di ket inukasanna ti bagina, innalana ti langa ti maysa nga adipen, ket nagbalin a kas kadagiti tattao 8 Ket idi nakita a kas tao, impababana ti bagina, ket nagtulnog agingga iti ipapatay, wen, uray pay ti ipapatay iti krus 9 Gapuna, intan-ok unay ti Dios isuna ket inikkanna iti nagan a nangatngato ngem iti amin a nagan 10 Tapno iti nagan ni Jesus agparintumeng ti tunggal tumeng, dagiti adda sadi langit ken dagiti adda iti rabaw ti daga ken dagiti adda iti uneg ti daga 11 Ken tunggal dila bigbigenna a ni Jesu-Cristo ket Apo, a pakaidayawan ti Dios Ama

[Gaeyeok Hangeul]