| Ang Paraan ng Pagliligtas ng Diyos na Nagpapawalang-bisa sa Karunungan ng Sanlibutan
18 Sapagkat ang salita ng krus ay kamangmangan sa mga napapahamak, ngunit sa atin na mga inililigtas ay kapangyarihan ng Diyos
19 Sapagkat nasusulat, Iwawasak ko ang karunungan ng marurunong, at ang katalinuhan ng mga matatalino ay aking pawawalang-kabuluhan
20 Saan naroon ang marunong? Saan naroon ang eskriba? Saan naroon ang mananalumpati ng panahong ito? Hindi ba ginawang kamangmangan ng Diyos ang karunungan ng sanlibutang ito?
21 Sapagkat sa karunungan ng Diyos, palibhasa'y hindi nakilala ng sanlibutan ang Diyos sa pamamagitan ng kanyang sariling karunungan,
kinalugdan ng Diyos na iligtas ang mga sumasampalataya sa pamamagitan ng kamangmangan ng pangangaral
| Ang Kristong Ipinako sa Krus, Kapangyarihan at Karunungan ng Diyos
22 Ang mga Judio ay humihingi ng mga tanda, at ang mga Griyego ay naghahanap ng karunungan
23 Ngunit ipinangangaral natin si Kristong ipinako sa krus—na sa mga Judio ay katitisuran, at sa mga Hentil ay kamangmangan
24 Subalit sa mga tinawag, maging Judio o Griyego, si Kristo ang kapangyarihan ng Diyos at karunungan ng Diyos
25 Sapagkat ang kamangmangan ng Diyos ay higit na marunong kaysa sa mga tao, at ang kahinaan ng Diyos ay higit na malakas kaysa sa mga tao
| Ang Layunin ng Diyos sa Pagpili sa mga Mangmang at Mahihina
26 Mga kapatid, masdan ninyo ang pagkatawag sa inyo: hindi marami sa inyo ang marurunong ayon sa laman, hindi marami ang makapangyarihan, hindi marami ang mula sa marangal na angkan
27 Subalit pinili ng Diyos ang mga bagay na mangmang sa sanlibutan upang hiyain ang mga marurunong, at pinili ng Diyos ang mga bagay na mahihina sa sanlibutan upang hiyain ang mga bagay na malalakas
28 At pinili ng Diyos ang mga bagay na hamak at hinahamak sa sanlibutan, at ang mga bagay na wala, upang pawalang-kabuluhan ang mga bagay na mayroon
29 Upang walang sinumang laman ang makapagmalaki sa harap ng Diyos
| Ang mga Banal na Nagmamalaki Lamang kay Kristo
30 Ngunit dahil sa kanya, kayo ay nasa kay Kristo Jesus, na ginawang karunungan natin mula sa Diyos, at katuwiran, at kabanalan, at katubusan
31 Upang, gaya ng nasusulat, Ang nagmamalaki ay magmalaki sa Panginoon
_______________________________________________________________________________________________________________ Ang Dating Biblia (1905)Ang mga pamagat at subtitle ay inilagay mula sa pananaw ng misyolohiyang Antroposeno ng KPGM.